Франциядан Лондонға ұшпақ болған туристер Испаниядан шықты

Британиялық жұп кездейсоқ Ryanair ұшағына отырды және үйден бірнеше мың шақырым жерге ұшып кетті. Бұл туралы The Mirror жазады.

Элиз Маллия (Elise Mallia) және Джесси Джесекель (Jessy Jezequel) Марсельге "Ниццаға" қарсы футбол матчына ұшып келді. Олар Франциядан Лондонға ұшатын болды, бірақ кездейсоқ рейсті шатастырып, Испания астанасына қонды.

"Бір сағаттық ұшудан кейін Джесси бортсеріктің Мадридке қону туралы айтқанын естіді. Біз оны шалыс естідік деп ойладық", - деді Маллия.

Алайда, кейінірек, бортсеріктер испан тілінде сөйлеген кезде туристер олардың басқа елде екенін түсінді.

Британиялықтар қате қалай болғанын білмейді. Жолаушылардың айтуынша, рейске отырар алдында олардың билеттері үш рет сканерленген.

"Соңында біз үйге қайттық, бірақ оның қалай болғанын әлі білмейміз. Өйткені, бұл дұрыс емес автобусқа отырумен бірдей емес. Біз басқа елде болдық", - деп таңғалды саяхатшылар.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!