Эверест ұзақ мерзімнен соң туристер үшін ашылды

Шетелдік туристер енді Эверест шыңдарын ешбір шектеусіз кез-келген уақытта бағындыра алады. Непал билігі COVID-19 қатысты барлық шектеулерді алып тастады, - деп хабарлайды Kaz.tengritravel.kz порталы New Straits Times басылымына сілтеме жасап.

Непал үкіметі шетелдік туристерге 17 қазаннан бастап елге келуге, альпинизммен айналысып, жорыққа шығуға рұқсат берді. Алайда, келушілердің барлығы ПТР тестінің теріс нәтижесімен келу керек. Джомолунгмаға шығу маусымы жақындаған сайын, билік Эверест орналасқан Кхумбу Пасанг Лхаму аймағына келетін шетелдіктерге қойылатын барлық талаптарды алып тастады.

© pixabay.com

Кхумбу Пасанг Лхаму муниципалитетінің басшысы Бинод Бхаттарай Kathmandu Post-қа берген сұхбатында өткен сенбіден бастап Эверест аймағына келген туристерден ПЦР-дан теріс нәтижелі анықтама көрсету және карантиннен өту талап етілмейді деп мәлімдеді. Бхаттарай атап өткендей, вирустың таралу қарқыны баяулады және Непал осы аптада вакцинациялауды бастайды.

"Қазіргі уақытта өңірде шетелдік туристер жоқ. Бірақ біз олардың санын Эверестке шығу маусымы басталған наурыз айында көбейтуді жоспарлап отырмыз", - деді Кхумбу муниципалитетінің басшысы Пасанг Лхаму.