"Ешқашан кеш емес". 104 жастағы кейуана парашютпен секірді
Америкалық 104 жастағы Дороти Хоффнер парашютпен секірді. Әлеуметтік желіде оның батыл әрекетінің видеосы вирусқа айналды, - деп хабарлайды Tengritravel.kz тілшісі.
ABC 7 Chicago телеарнасының мәліметінше, таяуда зейнеткер Иллинойс штатындағы Оттава қаласында нұсқаушымен бірге секірген. Жергілікті БАҚ мәліметінше, 4100 метрден секіру 7 минутқа созылған.
Америкалық зейнеткер 100 жасқа толғанда алғаш рет секірген екен.
Әлеуметтік желі қолданушылары оның батылдығына тәнті болып жатыр.
Дороти Хоффнер парашютпен секірген әлемдегі ең кәрі адам ретінде Гиннестер рекорды кітабына өтініш бермек. БАҚ мәліметінше, әлемдегі ең қарт парашютші - шведтік Рут Ларсон. Ол 2022 жылы 103 жасында секірген.
Саяхат қызықтары мен пайдалы ақпаратты Instagram және Facebook парақшаларынан оқи аласыз!