Дубайдағы қонақүй криптовалюта қабылдайды

Дубайда орналасқан Palazzo Versace қонақүйі қонақтарға қызметтерді криптовалюта арқылы төлеуге мүмкіндік береді, - деп хабарлайды Kaz.tengritravel.kz тілшісі Bitcoin.com сайтына сілтеме жасап.

Business Traveller есебінде 7 қыркүйектен бастап қонақтар биткоин, Ethereum және Binance (BNB) монеталарымен қонақүйлердегі төлемдерін өтей алатыны жазылған.

Есепке сүйенсек, Binance - әлемдегі ең ірі криптовалюта алмасу платформаларының бірі, сәнді қонақүйдің "криптовалюта инфрақұрылымын жеткізуші". Қонақтарға тамақтану, тұру және санаторийлерге ақы төлеу кезінде криптовалютаны пайдалануға мүмкіндік берумен қатар, қонақүй электронды сауда платформаларын пайдаланып, сыйлық сертификаттары мен гүл сататын дүкеннен тауарлар сатып алу үшін қонақтардан криптовалюта төлемдерін қабылдайды.

Palazzo Versace Dubai басқарушы директоры және Palazzo Hospitality негізін қалаушы Монтер Дарвиш криптовалюта төлемдерін қабылдауды болашақтың шешімі деп санайды.

"Біз инновация мен қонақүй бизнесінің алғашқы бастаушылары болып қала береміз. Криптовалюталарды төлем ретінде қабылдау - біздің бизнесімізді болашаққа дайын ету үшін жасаған тағы бір инновациялық қадам", - деді ол.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!