Бали халықаралық туризмді жаңартуды жоспарлап отыр

Бали үкіметі аралдың Денсаулық сақтау министрлігімен басқа елдерден келген туристер үшін "жасыл аймақтар" құру туралы келісімге келгенін мәлімдеді. Тек шетелдіктер демалыс кезінде аймақтан шыға алмайды, - деп хабарлайды Kaz.tengritravel.kz порталы tourweek сайтына сілтеме жасап.

Рұқсат етілген аймаққа коронавирус жұқтырғандар саны аз курорттар: Кута, Нуса Дуа, Убуд, Санур және Нуса Пенида кіреді. Бұл территорияларда эпидемиологиялық бақылау қатаң жүргізіледі.

Индонезия билігі ковидке байланысты қазір жағдай жақсарды деп санайды, сондықтан Бали шетелдік туристер үшін ашық болуы мүмкін. Шенеуніктер аралдардағы жағдайды бірнеше апта бақылағаннан кейін осындай тұжырымға келді.

© pixabay.com

Процесс барлық анти-ковид шарасын қатаң сақтай отырып, кезең-кезеңмен жүргізілуі керек.

Бұған дейін Бали шекарасы 2020 жылдың 11 қыркүйегінде ашылады деп жоспарланған. Бірақ кейін бұл жоспар өзгерді. Жаңа дата әзірге белгісіз.

Бали билігі шекараны ашудың маңызды факторы халықты, ең алдымен, туризм индустриясының қатысушыларын жаппай вакцинациялау деп санайды.