Әуеде құтырған мысық ұшақтың дереу қонуына себепші болды

Суданның Хартума қаласынан Катар астанасы Доха шахарына ұшып шыққан ұшақтың бортындағы құтырған мысық әуекемесін дереу қайтуына себепші болды, - деп хабарлайды Kaz.tengritravel.kz порталы "Ас-Судани" газетіне сілтеме жасап. 

Судан басылымының мәліметінше, Tarco әуекомпаниясының ұшағы әуеге көтерілгеннен соң жарты сағат өткенде жануар кенеттен ұшқыштар кабинасынан атып шыққан. Ол ұшқыштарға ұшақты басқаруға кедергі келтіріп, әуелайнерінің капитанына атылған. Соның салдарынан экипаж ұшып шыққан әуеайлаққа қайта оралу шешімін қабылдаған. 

Болжаммен жануар ұшақты тазалау кезінде немесе техникалық бақылау кезінде кіріп кеткен.