Алматыдан вьетнамдық Фукуок аралына рейс 19 наурызда ашылады

19 наурызда Алматыдан вьетнамдық Фукуок аралына алғашқы рейс басталады, - деп хабарлайды Kaz.tengritravel.kz тілшісі.

Оны SCAT әуекомпаниясы ұйымдастырады.

"19 наурызда Фукуокқа алғашқы рейс басталады, компания мен туроператорлар осы бағдарламаны ұлғайту мүмкіндігін қарастырып жатыр", - деп мәлімдеді компания өкілдері.

Рейс Boeing 757 ұшағымен жүзеге асырылады. Билетті турагенттіктердегі турпакеттер құрамында сатып алуға болады.

АТОР мәліметінше, Вьетнамның азаматтық авиация басқармасы 2022 жылдың 15 ақпанынан бастап тұрақты халықаралық жолаушылар рейстеріне шектеулердің алынып тасталғанын жариялады.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!