Әлемдегі ең биік әйел алғаш рет ұшып көрді

Әлемде өмір сүріп жатқан адамдар арасында ең биік әйел саналатын Румейса Гелги таяуда Түркиядан АҚШ-қа ұшатын рейске отырды. Осылайша ол ерекшеліктері бар адамдар үшін рейстердің қол жетімділігін дәлелдеп, әлем авиакомпанияларының назарын аудартты, - деп хабарлайды CNN.com.

25 жастағы Румейса Гелгидің бойы 215 сантиметр, сол себепті әуекомпания оны отырғызу үшін ұшақтағы бірнеше орындықты алып тастаған. Осылайша Гелги Ыстамбұлдан Калифорнияға 13 сағаттық саяхатты зембілде ыңғайлы демалып барған.

Гелгидің бойының ерекшелігі Уивер синдромының салдарынан болған: бұл сирек кездесетін ауру түрі, соның нәтижесінде сүйек өсе береді. Әлеуметтік желіде қыз бала өз оқиғаларымен бөлісіп тұрады.