Сурет: Reuters (Андовер қаласындағы торнадо) Сурет: Reuters (Андовер қаласындағы торнадо)

АҚШ пен Германияда жойқын құйыннан адам қаза болды


Германияда торнадо салдарынан 30 адам зардап шекті. Атмосфералық құйыннан шатырлар қирап, автомобильдер төңкеріліліп, ағаштар құлады, - деп хабарлайды Tengrinews.kz тілшісі Euronews телеарнасына сілтеме жасап.

Солтүстік Рейн-Вестфалия жеріндегі немістің Падерборн қаласының 30 тұрғыны  торнадо кезінде жарақат алды.

Қала билігі адамдарды құтқару жұмыстарына кедергі келтірмеуге және басын қауіп-қатерге тікпеуге шақырды.

Липпштад қаласы да қатты зардап шекті. Онда шіркеу төбесі құлап түсті. DPA ақпарат агенттігінің мәліметінше, 100-ден аса адам ашық бассейнде қамалып қалды, өйткені құлаған ағаштар жолды жауып тастаған. Оқиға орнына қаланың барлық құтқарушылары жіберілді.

Метеорологтар жұмада Германияның батысы мен орталығында қатты жаңбыр, бұршақ жауады, желдің екпіні сағатына 130 шақырымға жетуі мүмкін деп ескерткен болатын. Ауа райына байланысты бейсенбіде де автомобиль мен теміржол көлігінің қозғалысы бұзылып, жүздеген жертөле су астында қалды.

Сонымен қатар, БАҚ мәліметінше, Американың Гейлорд қаласындағы (Мичиган) жойқын құйын салдарынан бір адам қайтыс болып, 40-тан аса адам зардап шеккен.

Сілтемесіз жаңалық оқисыз ба? Онда Telegram желісінде парақшамызға тіркеліңіз!





Осыған ұқсас мақалалар

Экс-футболшы Құздан секіремін деп отбасының көз алдында қайтыс болды Экс-футболшы Құздан секіремін деп отбасының көз алдында қайтыс болды
Туристер Паттайяның адам көп жүретін жерінде пышақтасты Туристер Паттайяның адам көп жүретін жерінде пышақтасты
Ұшқыштың жұмысқа дайындалған сәті Желі қолданушыларын тәнті етті Ұшқыштың жұмысқа дайындалған сәті Желі қолданушыларын тәнті етті