Boeing 747 элиталық кештерге арналған мейрамханаға айналды

British Airways әуекомпаниясының ұшағы элиталық кештер өткізу үшін мейрамханаға айналды. Boeing 747 бортындағы мейрамхана Ұлыбританиядағы Котсуолд жеке әуежайында орналасқан, - деп хабарлайды Kaz.tengritravel.kz порталы Daily Star басылымына сілтеме жасап.

Бір қызығы, әуекомпания пандемия кезінде аз сұранысқа байланысты ұшақты "зейнетке" жіберу туралы шешім қабылдағаннан кейін 2020 жылы бір фунт стерлингке (591 теңге) сатып алынды. Ұшақтың ішкі кеңістігі мен жарықтандыру би алаңына, барға және жеке кештер мен ұжымдық іс-шаралар өткізуге арналған орынға айналды.

"Мен ұшақ үшін бір фунт стерлинг төледім, бірақ бортты дұрыс ұстау үшін белгілі бір міндеттемелер бар. Біз ұшақты қайта жабдықтауға шамамен 500 000 фунт стерлинг (295 880 000 теңге) жұмсадық. Бұл жақсы инвестиция деп санаймын", - деді әуежайдың атқарушы директоры Сюзанна Харви.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!