18 жастағы турист қызды зорлағандар өмір бойына сотталды

Грекияның Крит аралындағы Ретимно қаласының соты 27 және 24 жастағы пәкістандық ер адамдарды өмір бойына бас бостандығынан айырды. 2022 жылы сотталған екеуі 18 жастағы ұлыбританиялық турист қызды зорлаған екен, - деп хабарлайды Tengritravel.kz тілшісі.

Адвокаттар қанша тырысқанымен Ретимно соты жыныстық қылмыстарға өте қатаң екенін көрсетті. Өйткені Грекияда жыныстық зорлыққа қатысты елде бірнеше шулы оқиға болып, оның бірі адам өлімімен аяқталған болатын.

Грекияның Кос аралында польшалық турист әйелді зорлап, қылқындырып өлтірген екен. Ал денесін қоқыс, бұта мен шөп астына жасырып кеткен екен. 27 жастағы туристтің анасы полицияны селқостық танытты деп айыптады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!